ਨਵਾਂ ਸ਼ਹਿਰ (ਮਨੋਰੰਜਨ ਕਾਲੀਆ) : ਅੱਜ ਬੀ ਐਲ ਐਮ ਗਰਲਜ਼ ਕਾਲਜ ਵਿਖੇ ਬ੍ਰਹਮ ਕੁਮਾਰੀ ਆਸ਼ਰਮ ਮਹਲਾ ਵੈਦ ਹੇਮ ਰਾਜ ਨਵਾਂ ਸ਼ਹਿਰ ਤੋ ਆਏ ਬ੍ਰਹਮ ਕੁਮਾਰੀਆਂ ਨੇ ਕਾਲਜ ਵਿਖੇ ਰੱਖੜੀ ਦਾ ਤਿਉਹਾਰ ਮਨਾਇਆ। ਕਾਲਜ ਪ੍ਰਿੰਸੀਪਲ ਸ੍ਰੀਮਤੀ ਤਰਨਪ੍ਰੀਤ ਕੌਰ ਵਾਲਿਆਂ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਆਏ ਹੋਏ ਬ੍ਰਹਮ ਕੁਮਾਰੀ ਮਨਜੀਤ ਦੀਦੀ ਨੇ ਕਾਲਜ ਦੇ ਸਟਾਫ ਮੈਂਬਰਾਂ ਨੂੰ ਅੱਜ ਕੱਲ ਹਰ ਇਨਸਾਨ ਦੇ ਵਿੱਚ ਵੱਧ ਰਹੀ ਟੈਨਸ਼ਨ /ਸਟਰੈਸ ਨੂੰ ਕਿਵੇਂ ਆਪਣੇ ਕਾਬੂ ਵਿੱਚ ਕਰਨਾ ਹੈ - ਉਸ ਬਾਰੇ ਵਿਸਤਾਰ ਵਿੱਚ ਸਮਝਾਇਆ। ਮਨ ਨੂੰ ਕਿਵੇਂ ਇਕਾਗਰ ਕਰਨਾ ਹੈ, ਮੈਡੀਟੇਸ਼ਨ ਰਾਹੀਂ ਉਸ ਦਾ ਰਿਆਜ਼ ਵੀ ਕਰਵਾਇਆ। ਉਹਨਾਂ ਕਿਹਾ ਕਿ ਰੱਖੜੀ ਦਾ ਤਿਉਹਾਰ ਕੇਵਲ ਭੈਣ ਭਰਾ ਦੇ ਵਿੱਚ ਹੀ ਨਹੀਂ ਬਲਕਿ ਕਿਸੇ ਵੀ ਮਿੱਤਰ ਸਖੇ ਸਬੰਧੀ ਮਾਤਾ ਪਿਤਾ ਦੇ ਵਿੱਚ ਇਹ ਬੰਧਨ ਹੋ ਸਕਦਾ ਹੈ । ਉਪਰੰਤ ਕਾਲਜ ਪ੍ਰਿੰਸੀਪਲ ਸਮੇਤ ਸਮੂਹ ਸਟਾਫ ਮੈਂਬਰਾਂ ਦੇ ਰਕਸ਼ਾ ਸੂਤਰ ਬਣ ਕੇ ਰੱਖੜੀ ਦਾ ਤਿਉਹਾਰ ਮਨਾਇਆ ਗਿਆ। ਇਸ ਮੌਕੇ ਤੇ ਸਮੂਹ ਕਾਲਜ ਸਟਾਫ ਮੈਂਬਰ ਸ਼ਾਮਲ ਸਨ।